2012, ഏപ്രിൽ 9, തിങ്കളാഴ്‌ച

നൂറ്റുക്കുനൂറ്

സര്‍വ്വ ശിക്ഷാ അഭിയാന്‍ മുന്നോട്ടുവച്ച പരിപാടികളില്‍, ഒരു ഭാഷാ അധ്യാപകന്‍ എന്ന നിലയ്ക്ക് എന്നെ ഏറെ സ്വാധീനിച്ചത് 'നൂറ്റുക്കുനൂറാ'യിരുന്നു. കേരളത്തിലെ തെരഞ്ഞടുത്ത നൂറു പഞ്ചായത്തുകളില്‍ നടപ്പിലാക്കിയ ഈ പരിപാടി ഇംഗ്ലീഷ് (ACE), ഹിന്ദി (मीठी हिंदी), ഗണിതം (easy maths)എന്നീ വിഷയങ്ങളുടെ പഠന പ്രക്രിയയില്‍ കാതലായ മാറ്റങ്ങള്‍ക്ക് തുടക്കം കുറിച്ചു.

  • സാമൂഹ്യ ജ്ഞാനനിര്‍മിതി വാദത്തിന്റെ സാര്‍ഥകമായ പ്രയോഗവത്കരണത്തിന് ഈ പദ്ധതി തുടക്കമിട്ടു. ഖ്യാനത്തെ ഒരു പെഡഗോജിക് ടൂളായി (narrative as a pedagogic tool) അവതരിപ്പിക്കുകവഴി ഭാഷാ ക്ലാസ്സുകളെ സര്‍ഗാത്മക ഇടപെടലുകളുടെ വേദിയാക്കിമാറ്റാന്‍ കഴിഞ്ഞു.
  • കുട്ടികളിലെ ചിന്താ പ്രക്രിയയെ ഉണര്‍ത്തുകവഴി ഭാഷയെ ഉദ്പാദിപ്പിക്കാനാകുമെന്ന് തെളിയിക്കപ്പെട്ടു.
  • ഭാഷാക്ലാസ്സുകളില്‍ തെറ്റുതിരുത്തല്‍ (editing) പ്രക്രിയക്കുള്ള പ്രാധാന്യം വ്യക്തമാക്കുക വഴി ഭാഷാ ശേഷികള്‍ കൈവരിക്കുന്നതിനുള്ള തികച്ചും ശാസ്ത്രീയമായ മാര്‍ഗം അവതരിപ്പിക്കപ്പെട്ടു.
  • ഹൃദ്യമായ അനുഭവങ്ങള്‍ ഒരുക്കിക്കൊടുത്ത പഠന പ്രക്രിയകളിലൂടെ ഇംഗ്ലീഷും ഹിന്ദിയും ഗണിതവും കുട്ടികള്‍ക്ക് ഇഷ്ടമുള്ള വിഷയങ്ങളായി മാറി.
  • കേരളത്തില്‍ നടപ്പിലാക്കിയ പാഠപുസ്തക പരിഷ്കരണത്തിന് ദിശാബോധം നല്കുവാന്‍ ഈ പദ്ധതിയ്ക്കായി.
  • സ്വന്തം അനുഭവ പരിസരവുമായി ചേര്‍ത്തുവച്ചുകൊണ്ട് ഭാഷയെയും ഗണിതത്തെയും കൈകാര്യം ചെയ്യാന്‍ കഴിഞ്ഞതിനാല്‍ പഠനം ജീവിതഗന്ധിയായി.
  • പ്രക്രിയാ ബന്ധിതമായി ഈ പദ്ധതി നടപ്പിലാക്കിയ വിദ്യാലയങ്ങള്‍ വലിയ നേട്ടങ്ങളാണ് കേരളത്തിലെ പൊതുസമൂഹത്തിനുമുന്നില്‍ അവതരപ്പിച്ചത്.

ഈ പദ്ധതിയുടെ മികവുകളെ, വിമര്‍ശകര്‍ക്കുപോലും കണ്ടില്ലെന്നു നടിക്കാനായിട്ടില്ല. കേരളത്തിലെ മുഴുവന്‍ അധ്യാപകര്‍ക്കും ഈ രിതി വഴങ്ങുന്നതല്ല, അതുകൊണ്ട് ഇത് പ്രായോഗികമല്ല എന്ന വിമര്‍ശനമാണ് അവര്‍ പ്രധാനമായും ഉന്നയിച്ചത്. അധ്യാപകരെ മുന്നില്‍ കണ്ടുകൊണ്ടാണോ, വിദ്യാര്‍ഥികളെ മുന്നില്‍ കണ്ടുകൊണ്ടാണോ പാഠ്യപദ്ധതിയും പ്രക്രിയയും രൂപീകരിക്കേണ്ടതെന്ന പ്രസക്തമായ ചോദ്യത്തിന് വിമര്‍ശകര്‍ മറുപടി പറയേണ്ടതുണ്ട്. കേരളത്തിലെ അധ്യാപകര്‍ യോഗ്യതയുടെ കാര്യത്തിലും കഴിവിന്റെ കാര്യത്തിലും ഏറെ മുന്നിലാണെന്നാണ് പൊതുവെ നിലനില്ക്കുന്ന ധാരണയും വസ്തുതയും. ഇവരെ പൂര്‍ണമായും വിശ്വാസത്തിലെടുത്തുകൊണ്ടാണ് ഇവിടെ ഏതു പരിഷ്കരണവും പരിപാടിയും നടപ്പിലാക്കിയിട്ടുള്ളത്. 'നൂറ്റുക്കുനൂറും' ഇതില്‍നിന്ന് വ്യത്യസ്ഥമല്ല. മാത്രമല്ല, അധ്യാപകരെ സമീപനം ബോധ്യപ്പെടുത്തുന്നതിനായി മികച്ച പരിശീലനങ്ങളും ഇതിന്റെ ഭാഗമായി നടന്നു.

പരിപാടി നടപ്പിലാക്കിയ നൂറു പഞ്ചായത്തുകളിലും മികവുറ്റ കുറേ പ്രവര്‍ത്തനങ്ങള്‍ നടന്നു.

  • പാഠഭാഗങ്ങളെ അധികരിച്ച് കുട്ടികള്‍ തയ്യാറാക്കിയ ചലച്ചിത്രങ്ങള്‍
  • കുട്ടികളുടെ രചനകള്‍ ഉള്‍ക്കൊള്ളിച്ചുള്ള പ്രസിദ്ധീകരണങ്ങള്‍
  • കുട്ടികളുടെ പലതരത്തിലുള്ള അവതരണങ്ങള്‍ …
  • റിയാലിറ്റി ഷോകള്‍ നടത്തിക്കൊണ്ടാണ് ചില പഞ്ചായത്തുകള്‍ രക്ഷിതാക്കളും പൊതുജനങ്ങളുമായി 'നൂറ്റുക്കുനൂറി'ന്റെ മികവുകള്‍ പങ്കുവച്ചത്.

ഈ മികവുകളും മാതൃകകളും പാഠപുസ്തക പരിഷ്കരണ പ്രവര്‍ത്തനങ്ങള്‍ക്ക് തെല്ലൊന്നുമല്ല കരുത്തു പകര്‍ന്നത്.

'നൂറ്റുക്കുനൂറി'ന്റെ പ്രവര്‍ത്തനങ്ങള്‍ക്ക് നേതൃത്വം നല്കിയ ഡോ. കെ. എന്‍. ആനന്ദന്‍, ശ്രീ. ടി. പി. കലാധരന്‍ എന്നിവരോടൊപ്പമുള്ള അനുഭവങ്ങള്‍ ഈ പ്രവര്‍ത്തനത്തില്‍ പങ്കാളികളായ ഞങ്ങള്‍ക്കോരോരുത്തര്‍ക്കും അക്കാദമിക രംഗത്ത് കരുത്താര്‍ജിക്കുവാന്‍ കാരണമായിട്ടുണ്ട്. ഇവര്‍ പുലര്‍ത്തുന്ന നിതാന്ത ജാഗ്രതയും അര്‍പ്പണ മനോഭാവവും പലപ്പോഴും ഞങ്ങളെ അദ്ഭുതപ്പെടുത്തിയിട്ടുണ്ട്. അക്കാദമിക പ്രവര്‍ത്തനത്തെ ജീവിതചര്യയാക്കിമാറ്റിയ ഇവര്‍ ഈ രംഗത്തു പ്രവര്‍ത്തിക്കുന്ന ഏതൊരാള്‍ക്കും മാതൃകകളാണ്.

'നൂറ്റുക്കുനൂറി'ല്‍ ഹിന്ദികൂടി ഉള്‍പ്പെടുത്തുന്നതിന് പ്രത്യേകം ശ്രദ്ധ പുലര്‍ത്തിയ ശ്രീ. ജോണ്‍ ഫിലിപ്പു മാഷും കാര്യമായ പ്രോത്സാഹനം ഞങ്ങള്‍ക്ക് നല്കിയിട്ടുണ്ട്.

3 അഭിപ്രായങ്ങൾ:

MALAPPURAM SCHOOL NEWS പറഞ്ഞു...

നൂറ്റുക്കുനൂറിനെ കുറിച്ച് കേട്ടിട്ടുണ്ട്. പക്ഷേ അത്ര പരിചയമേ ഉള്ളൂ. കേരളത്തിലെ വിവിധ വിദ്യാഭ്യാസ ഏജന്‍സികള്‍ നടപ്പിലാക്കുന്ന പരിപാടികള്‍ പരിചയപ്പെടാന്‍ ഇത്തരം പോസ്റ്റുകള്‍ക്കേ കഴിയൂ. അതിനായി ഒരു സര്‍ക്കാര്‍ സംവിധാനം ഇല്ല. പ്രൈമറിയില്‍ എന്തു നടക്കുന്നു, നടന്നു, നടക്കും എന്നൊന്നും സെക്കണ്ടറിയും ഹയര്‍ സെക്കണ്ടറിയും അറിയാറില്ല. അറിയിക്കാറുമില്ല.

caravan പറഞ്ഞു...

Chomsky remains the most influential figure in theoretical linguistics, known to the public for his ideas that language is a cognitive system and the realisation of an innate faculty. While those ideas enjoy a wide currency, many linguists reject them. His theories have come under criticism from those, such as the cognitive scientist Steven Pinker, who were once close to him. Paul Postal, one of Chomsky’s earliest colleagues, stresses the tendency for the grandiloquence of Chomsky’s claims to increase as he addresses non-specialist audiences. Frederick Newmeyer, a supporter of Chomsky’s ideas until the mid-1990s, notes: “One is left with the feeling that Chomsky’s ever-increasingly triumphalistic rhetoric is inversely proportional to the actual empirical results that he can point to.” -------------------olive kamm. /its good to be always suspicious and critical. i do agree with u that there is a perceivable change in the quality in language text books and methods.but whether there is a a corresponding change in the students should be validated empirically. there are several criticisms raised against the linguistics theories of chomsky which were not taken into account. there was a blind following in this regard as a practising teacher my interactions with language teachers and students somehow gave me the notion that there is something wrong in lan ed in kerala. one major problem with all ed reforms in kerala ,is lack of scholarly debate, research, pre test. in a very very scientific manner. chomsky, anandan ennivar paranjathukondu scientific aavanamennilla.

caravan പറഞ്ഞു...

i am not against chomskys political stand , i do appreciates his opinion in many contemporary issues.